har jagah bandish-e-adab ki parwa na karen

har jagah bandish-e-ādāb kī parvā na kareñ

mahram-e-rāz se behtar hai ki pardā na kareñ

ishq kī kohna rivāyāt ko rusvā na kareñ

baat to ye hai sar-e-dār bhī lab vā na kareñ

maut bhī sāmne aa jaa.e to parvā na kareñ

jāñ-ba-kaf dil ko misāl-e-dil-e-parvāna kareñ

dil pe hirs-o-hasd-e-bādiya-paimā na kareñ

is se behtar hai ki shaġhl-e-mai-o-paimāna kareñ

pursish-e-ġham se mire ġham ko do-bālā na kareñ

ye karam aaj se ā.inda dobārā na kareñ

uThne lagtā hai tumheñ dekh ke mauhūm sā dard

aaj se aap mire sāmne aayā na kareñ

dard uThtā hai agar chāragaroñ ko DhūñDeñ

dard-e-ulfat hai to phir fikr-e-mudāvā na kareñ

vaqt ke haath meñ hai khoTe khare kī tasdīq

aap achchhe haiñ to achchhā.ī kā da.avā na kareñ

lag na jaa.e ruḳh-e-gul-rañg ko apnī hī nazar

apnī sūrat kabhī ā.īne meñ dekhā na kareñ

chheḌ detī hai ye āvāz-e-hazīñ ruuh ke taar

dam-e-ruḳhsat lab-e-gulrez ko goyā na kareñ

dil-o-īmāñ to nahīñ haañ magar ai ahl-e-sitam

jaan hāzir hai jo manzūr ye nazrāna kareñ

rāz-e-sar-basta hai dil aur ye behtar hai ki 'rāz'

parda ham chehra-e-hastī se uThāyā na kareñ

har jagah bandish-e-adab ki parwa na karen

mahram-e-raaz se behtar hai ki parda na karen

ishq ki kohna riwayat ko ruswa na karen

baat to ye hai sar-e-dar bhi lab wa na karen

maut bhi samne aa jae to parwa na karen

jaan-ba-kaf dil ko misal-e-dil-e-parwana karen

dil pe hirs-o-hasd-e-baadiya-paima na karen

is se behtar hai ki shaghl-e-mai-o-paimana karen

pursish-e-gham se mere gham ko do-baala na karen

ye karam aaj se aainda dobara na karen

uThne lagta hai tumhein dekh ke mauhum sa dard

aaj se aap mere samne aaya na karen

dard uThta hai agar chaaragaron ko DhunDen

dard-e-ulfat hai to phir fikr-e-mudawa na karen

waqt ke hath mein hai khoTe khare ki tasdiq

aap achchhe hain to achchhai ka dawa na karen

lag na jae ruKH-e-gul-rang ko apni hi nazar

apni surat kabhi aaine mein dekha na karen

chheD deti hai ye aawaz-e-hazin ruh ke tar

dam-e-ruKHsat lab-e-gulrez ko goya na karen

dil-o-iman to nahin han magar ai ahl-e-sitam

jaan hazir hai jo manzur ye nazrana karen

raaz-e-sar-basta hai dil aur ye behtar hai ki 'raaz'

parda hum chehra-e-hasti se uThaya na karen