har KHushi mere sath hai uski

har ḳhushī mere saath hai us kī

mujh se vābasta zaat hai us kī

pyaar meñ jo hadoñ se aage baḌhā

yuuñ samajhiye ki maat hai us kī

jo ġharīboñ ke kaam aatā hai

āḳhirat meñ najāt hai us kī

aisoñ-vaisoñ ko muñh lagātā nahīñ

baat vāloñ meñ baat hai us kī

jis ke pahlū meñ us kā ho mahbūb

yuuñ samajhiye ki raat hai us kī

us ke ghar baj rahī hai shahnā.ī

aaj 'sāhir' barāt hai us kī

har KHushi mere sath hai us ki

mujh se wabasta zat hai us ki

pyar mein jo hadon se aage baDha

yun samajhiye ki mat hai us ki

jo gharibon ke kaam aata hai

aaKHirat mein najat hai us ki

aison-waison ko munh lagata nahin

baat walon mein baat hai us ki

jis ke pahlu mein us ka ho mahbub

yun samajhiye ki raat hai us ki

us ke ghar baj rahi hai shahnai

aaj 'sahir' baraat hai us ki