har KHushi ranj-o-gham pe war aae

har ḳhushī ranj-o-ġham pe vaar aa.e

jitne qarze the sab utaar aa.e

khā ke har vaar apne siine pe

rāh-o-rasm-e-vafā sañvār aa.e

kaun dekhe badalte mausam ko

kab ḳhizāñ aa.e kab bahār aa.e

āñkheñ ḳhushiyoñ se bhīgtī haiñ zarūr

jab koī bhūlā ġham-gusār aa.e

zindagānī kā kuchh bharosa nahīñ

kaun jaane kahāñ pukār aa.e

samjho be-kār guzrā māh-e-siyām

nekiyoñ meñ na gar nikhār aa.e

us kī baḳhshish pe zinda haiñ varna

kab gunāhoñ kā kuchh shumār aa.e

aisī kuchh raah ustuvār kareñ

nazr-e-'sādiq' bhī kuchh guzār aa.e

har KHushi ranj-o-gham pe war aae

jitne qarze the sab utar aae

kha ke har war apne sine pe

rah-o-rasm-e-wafa sanwar aae

kaun dekhe badalte mausam ko

kab KHizan aae kab bahaar aae

aankhen KHushiyon se bhigti hain zarur

jab koi bhula gham-gusar aae

zindagani ka kuchh bharosa nahin

kaun jaane kahan pukar aae

samjho be-kar guzra mah-e-siyam

nekiyon mein na gar nikhaar aae

us ki baKHshish pe zinda hain warna

kab gunahon ka kuchh shumar aae

aisi kuchh rah ustuwar karen

nazr-e-'sadiq' bhi kuchh guzar aae