ہر خوشی تیرے لئے ہر ناخوشی تیرے لئے
ہر خوشی تیرے لئے ہر ناخوشی تیرے لئے
اب تو ہم نے وقف کر دی زندگی تیرے لئے
اشک آنکھوں میں ہیں دل میں بیکلی تیرے لئے
زندگی سے دور ہیں اب زندگی تیرے لئے
درد دل مرگ تمنا حشر غم سوز فراق
ہم نے ہر آفت سے کی ہے دوستی تیرے لئے
اللہ اللہ اہتمام جذبۂ ذوق نیاز
روک لی ہے جیسے غنچوں نے ہنسی تیرے لئے
اب کسی سے ہم غم دل کی شکایت کیا کریں
ہم نے جب غم پر لٹا دی ہر خوشی تیرے لئے
تو نے روشن کر دئے بجھتی امیدوں کے چراغ
روح آنکھوں میں پلٹ کر آ گئی تیرے لئے
کل ترے دم سے اندھیرا بھی تھا فخر کائنات
آج جیسے رو رہی ہے روشنی تیرے لئے
اے غم دل تجھ سے تھک کر مانگتے ہیں سب اجل
میں اجل سے مانگتا ہوں زندگی تیرے لئے
وائے قسمت آج تو نے بھی اسے ٹھکرا دیا
جس نے دنیا بھر سے چھوڑی دوستی تیرے لئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
