har lahza makin dil mein teri yaad rahegi

har lahza makīñ dil meñ tirī yaad rahegī

bastī ye ujaḌne pe bhī ābād rahegī

hai hasti-e-āshiq kā bas itnā hī fasāna

barbād thī barbād hai barbād rahegī

hai ishq vo nemat jo ḳharīdī nahīñ jaatī

ye shai hai ḳhudā-dād ḳhudā-dād rahegī

vo aa.e bhī to zabt se lab hil na sakeñge

fariyād mirī tishna-e-fariyād rahegī

ye husn-e-sitam-kosh sitam-kosh hai kab tak

kab tak ye nazar bānī-e-bedād rahegī

vo zulf-e-pareshāñ kā sañvāre na sañvarnā

vo un ke bigaḌne kī adā yaad rahegī

har lahza makin dil mein teri yaad rahegi

basti ye ujaDne pe bhi aabaad rahegi

hai hasti-e-ashiq ka bas itna hi fasana

barbaad thi barbaad hai barbaad rahegi

hai ishq wo nemat jo KHaridi nahin jati

ye shai hai KHuda-dad KHuda-dad rahegi

wo aae bhi to zabt se lab hil na sakenge

fariyaad meri tishna-e-fariyaad rahegi

ye husn-e-sitam-kosh sitam-kosh hai kab tak

kab tak ye nazar bani-e-bedad rahegi

wo zulf-e-pareshan ka sanware na sanwarna

wo un ke bigaDne ki ada yaad rahegi