har lamha zindagi ke pasine se tang hun
har lamha zindagī ke pasīne se tañg huuñ
maiñ bhī kisī qamīz ke collar kā rañg huuñ
mohara siyāsatoñ kā mirā naam aadmī
merā vajūd kyā hai ḳhalāoñ kī jañg huuñ
rishte guzar rahe haiñ liye din meñ battiyāñ
maiñ ādhunik sadī kī añdherī surañg huuñ
niklā huuñ ik naddī sā samundar ko DhūñDhne
kuchh duur kashtiyoñ ke abhī sañg-sañg huuñ
māñjhā koī yaqīn ke qābil nahīñ rahā
tanhā.iyoñ ke peḌ se aTkī patañg huuñ
ye kis kā dastaḳhat hai batā.e koī mujhe
maiñ apnā naam likh ke añgūThe sā dañg huuñ
har lamha zindagi ke pasine se tang hun
main bhi kisi qamiz ke collar ka rang hun
mohara siyasaton ka mera nam aadmi
mera wajud kya hai KHalaon ki jang hun
rishte guzar rahe hain liye din mein battiyan
main aadhunik sadi ki andheri surang hun
nikla hun ek naddi sa samundar ko DhunDhne
kuchh dur kashtiyon ke abhi sang-sang hun
manjha koi yaqin ke qabil nahin raha
tanhaiyon ke peD se aTki patang hun
ye kis ka dastaKHat hai batae koi mujhe
main apna nam likh ke anguThe sa dang hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
