har marg-e-arzu ka nishan der tak raha

har marg-e-ārzū kā nishāñ der tak rahā

jab sham.a gul huī to dhuāñ der tak rahā

vo vaqt-hā-e-sū-e-haram jab chale the ham

dāmān-kash ḳhayāl-e-butāñ der tak rahā

kaliyāñ udaas phuul fasurda sabā ḳhamosh

ab ke chaman pe rañg-e-ḳhizāñ der tak rahā

muddat guzar chukī pa ḳhushā lazzat-e-visāl

har māh-vash pe us kā gumāñ der tak rahā

dār-o-rasan kā zikr chhiḌā jab bhī dosto

āñkhoñ meñ ek sarv-e-ravāñ der tak rahā

dīvāne ko to apnā bhī rahtā nahīñ hai hosh

ik naam phir bhī vird-e-zabāñ der tak rahā

har marg-e-arzu ka nishan der tak raha

jab shama gul hui to dhuan der tak raha

wo waqt-ha-e-su-e-haram jab chale the hum

daman-kash KHayal-e-butan der tak raha

kaliyan udas phul fasurda saba KHamosh

ab ke chaman pe rang-e-KHizan der tak raha

muddat guzar chuki pa KHusha lazzat-e-visal

har mah-wash pe us ka guman der tak raha

dar-o-rasan ka zikr chhiDa jab bhi dosto

aankhon mein ek sarw-e-rawan der tak raha

diwane ko to apna bhi rahta nahin hai hosh

ek nam phir bhi wird-e-zaban der tak raha