har nae sal naya peD laga deta hun

har na.e saal nayā peḌ lagā detā huuñ

aur be-ḳhānumāñ chiḌiyoñ ko batā detā huuñ

roz suntā huuñ maiñ bargad se purāne qisse

aur use apnī kahānī bhī sunā detā huuñ

roz ik daur kī āvāz Thahartī hai yahāñ

aur maiñ āvāz meñ āvāz milā detā huuñ

māñgne qarz nikal jaatā huuñ ham-sāyoñ se

aur bistar pe savālī ko liTā detā huuñ

dil ko puurī tarah hone nahīñ detā barbād

dukh ke phailāv ko maiñ ḳhud hī ghaTā detā huuñ

chāhtā huuñ tirī tasvīr banānā lekin

maiñ kisī aur kī tasvīr banā detā huuñ

jab nazar aatā hai apne sivā rah-gīr koī

ik diyā aur sar-e-rāh jalā detā huuñ

har nae sal naya peD laga deta hun

aur be-KHanuman chiDiyon ko bata deta hun

roz sunta hun main bargad se purane qisse

aur use apni kahani bhi suna deta hun

roz ek daur ki aawaz Thaharti hai yahan

aur main aawaz mein aawaz mila deta hun

mangne qarz nikal jata hun ham-sayon se

aur bistar pe sawali ko liTa deta hun

dil ko puri tarah hone nahin deta barbaad

dukh ke phailaw ko main KHud hi ghaTa deta hun

chahta hun teri taswir banana lekin

main kisi aur ki taswir bana deta hun

jab nazar aata hai apne siwa rah-gir koi

ek diya aur sar-e-rah jala deta hun