har nae zaKHm ko lafzon se nikhaara jae

har na.e zaḳhm ko lafzoñ se nikhārā jaa.e

aao ḳhvāboñ ke jazīroñ ko sañvārā jaa.e

dosto aaj ke andāze ġhalat hote haiñ

kashtī mil jaa.e to hāthoñ se kinārā jaa.e

zindagī ḳhvāb-e-musalsal kī tarah hai yaaro

aañkh khul jaa.e to sadiyoñ kā nazārā jaa.e

ham se bichhḌeñge ye saa.e to kahāñ jā.eñge

kyā inheñ niim ke saa.e se guzārā jaa.e

koī ehsās to jaage koī dīpak to jale

āsmānoñ ko zamīnoñ meñ utārā jaa.e

har nae zaKHm ko lafzon se nikhaara jae

aao KHwabon ke jaziron ko sanwara jae

dosto aaj ke andaze ghalat hote hain

kashti mil jae to hathon se kinara jae

zindagi KHwab-e-musalsal ki tarah hai yaro

aankh khul jae to sadiyon ka nazara jae

hum se bichhDenge ye sae to kahan jaenge

kya inhen nim ke sae se guzara jae

koi ehsas to jage koi dipak to jale

aasmanon ko zaminon mein utara jae