ہر نفس واردات ہے یارو
ہر نفس واردات ہے یارو
کشمکش میں حیات ہے یارو
بزم میں اتنی گہری خاموشی
راز کی کوئی بات ہے یارو
آشنا اجنبی میں بھید نہیں
ہر طرف جیسے رات ہے یارو
میرے دل کو قریب سے دیکھو
مرکز حادثات ہے یارو
دوستی اور اس زمانے میں
کس قدر بے ثبات ہے یارو
غم کے افسانے یوں نہ عام کرو
یہ مری کائنات ہے یارو
خود فراموش ہو چلا ہے وصیؔ
کس کا یہ التفات ہے یارو
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
