har nazar mein hai asasa apna
har nazar meñ hai asāsa apnā
chāk-dar-chāk hai ḳhema apnā
koī partav hai na saaya us kā
jis ke hone se hai honā apnā
kis kī lau rāh-e-sahar dekhegī
shaam kī shaam hai sho.ala apnā
lipTe jaate haiñ kināroñ se bhī
aur dariyā pe bhī da.avā apnā
chhoḌ baiThe haiñ faqīrī lekin
abhī toḌā nahīñ kaasa apnā
dar-e-ḳhusrav pe chalā hai farhād
rehn rakh aa.e na tesha apnā
kin gumānoñ meñ ghire ho 'yūsuf'
kabhī dekho to sarāpā apnā
har nazar mein hai asasa apna
chaak-dar-chaak hai KHema apna
koi partaw hai na saya us ka
jis ke hone se hai hona apna
kis ki lau rah-e-sahar dekhegi
sham ki sham hai shoala apna
lipTe jate hain kinaron se bhi
aur dariya pe bhi dawa apna
chhoD baiThe hain faqiri lekin
abhi toDa nahin kasa apna
dar-e-KHusraw pe chala hai farhad
rehn rakh aae na tesha apna
kin gumanon mein ghire ho 'yusuf'
kabhi dekho to sarapa apna
- Book : Urdu Adab (Pg. 69)
- Author : Iqbal Hussain
- Publication : Iqbal Hussain Publishers (Jan, Feb. Mar 1996)
- Edition : Jan, Feb. Mar 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
