har qadam KHauf hai dahshat hai riya-kari hai
har qadam ḳhauf hai dahshat hai riyā-kārī hai
raushnī meñ bhī añdheroñ kā safar jaarī hai
tāqat-e-kufr ne kohrām machā rakkhā hai
jaane kis kis ko miTāne kī ye tayyārī hai
mil ke sab qahr bapā karte haiñ insānoñ par
hai junūñ zehn meñ aur aañkh meñ chiñgārī hai
apne andāz se ek saath yahāñ par rahnā
ye hamārī hī nahīñ terī bhī lāchārī hai
ho ġharīb aur amiir chāhe ho būḌhā bachcha
kaun hai apnī jise jaan nahīñ pyārī hai
ham ne har ahd meñ rakkhā hai bharam terā jab
tū hī ai vaqt batā kyā ye vafādārī hai
us ko duniyā meñ koī aañkh dikhā saktā hai kyā
'rashk' jis qaum meñ ehsās hai bedārī hai
har qadam KHauf hai dahshat hai riya-kari hai
raushni mein bhi andheron ka safar jari hai
taqat-e-kufr ne kohram macha rakkha hai
jaane kis kis ko miTane ki ye tayyari hai
mil ke sab qahr bapa karte hain insanon par
hai junun zehn mein aur aankh mein chingari hai
apne andaz se ek sath yahan par rahna
ye hamari hi nahin teri bhi lachaari hai
ho gharib aur amir chahe ho buDha bachcha
kaun hai apni jise jaan nahin pyari hai
hum ne har ahd mein rakkha hai bharam tera jab
tu hi ai waqt bata kya ye wafadari hai
us ko duniya mein koi aankh dikha sakta hai kya
'rashk' jis qaum mein ehsas hai bedari hai
- Book : Fasl-e-khayaal (Pg. 52)
- Author : Faiyaz Rashk
- Publication : Arshia Publications (2016)
- Edition : 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
