har qadam sanpon ki aahaT aur main

har qadam sāñpoñ kī aahaT aur maiñ

aage pīchhe sarsarāhaT aur maiñ

ik taraf chaḌhte hue dariyā kī saañs

ik taraf jangal kī aahaT aur maiñ

gaañv kī pagDanDiyoñ se shahr tak

chehra chehra baukhalāhaT aur maiñ

ek chehra raushnī sā zehn meñ

band kamra jagmagāhaT aur maiñ

sard māthe par pasīne kī tapish

sham' kī lau thartharāhaT aur maiñ

ik adhūre ḳhvāb kī ta.abīr dekh

ek piñjra phaḌphaḌāhaT aur maiñ

Dhalte sūraj par hukūmat shaam kī

aa.ine par malgajāhaT aur maiñ

har qadam sanpon ki aahaT aur main

aage pichhe sarsarahaT aur main

ek taraf chaDhte hue dariya ki sans

ek taraf jangal ki aahaT aur main

ganw ki pagDanDiyon se shahr tak

chehra chehra baukhalahaT aur main

ek chehra raushni sa zehn mein

band kamra jagmagahaT aur main

sard mathe par pasine ki tapish

sham' ki lau thartharahaT aur main

ek adhure KHwab ki tabir dekh

ek pinjra phaDphaDahaT aur main

Dhalte suraj par hukumat sham ki

aaine par malgajahaT aur main