har qadam sail-e-hawadis se bachaya hai mujhe

Zubair Rizvi

har qadam sail-e-hawadis se bachaya hai mujhe

Zubair Rizvi

MORE BY Zubair Rizvi

    har qadam sail-e-havādis se bachāyā hai mujhe

    kabhī dil meñ kabhī āñkhoñ meñ chhupāyā hai mujhe

    aur sab log to mai-ḳhāne se ghar lauT ga.e

    mehrbāñ raat ne siine se lagāyā hai mujhe

    har hasīñ anjuman-e-shab mujhe dohrātī hai

    jaane kis mutrib-e-āshufta ne gaayā hai mujhe

    sañg-sāzoñ ne tarāshā hai mire paikar ko

    tum ne kyā soch ke patthar pe girāyā hai mujhe

    aane vāloñ meñ koī apnā shanāsā hotā

    sūrat-e-farsh-e-dil-o-dīda bichhāyā hai mujhe

    kachchī dīvāroñ ko paanī lahar kaaT ga.ī

    pahlī bārish ne barsāt Dhāyā hai mujhe

    maiñ jiyā ishq ik zinda alāmat ban kar

    dāstāñ-goyoñ ne rātoñ ko sunāyā hai mujhe

    har qadam sail-e-hawadis se bachaya hai mujhe

    kabhi dil mein kabhi aankhon mein chhupaya hai mujhe

    aur sab log to mai-KHane se ghar lauT gae

    mehrban raat ne sine se lagaya hai mujhe

    har hasin anjuman-e-shab mujhe dohraati hai

    jaane kis mutrib-e-ashufta ne gaya hai mujhe

    sang-sazon ne tarasha hai mere paikar ko

    tum ne kya soch ke patthar pe giraya hai mujhe

    aane walon mein koi apna shanasa hota

    surat-e-farsh-e-dil-o-dida bichhaya hai mujhe

    kachchi diwaron ko pani ki lahar kaT gai

    pahli barish hi ne barsat ki Dhaya hai mujhe

    main jiya ishq ki ek zinda alamat ban kar

    dastan-goyon ne raaton ko sunaya hai mujhe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY