har roz hamein ghar se sahra ko nikal jaana

har roz hameñ ghar se sahrā ko nikal jaanā

khetoñ kā maza lenā jañgal ko nikal jaanā

jī kyuuñ na bhalā un kī phir bhauñ pe lage apnā

ik vus.at-e-mashrab ke hai saath ye vīrānā

sat.h pe zamīñ kī hai tā-hadd-e-nazar sabza

kyā sair kā aalam hai apnā hai na begānā

ham ishq-e-haqīqī ke ye rañg samajhte haiñ

ne lailā na majnūñ hai ne sham.a na parvānā

jis husn ke jalve haiñ aarif kī nigāhoñ meñ

vo husn banāve hai ka.abe ko sanam-ḳhānā

dīvāna-e-shahrī to dīvār kā saaya le

saa.e meñ muġhīlāñ ke baiThegā ye dīvānā

ġhurbat ke bayābāñ meñ hai 'mus.hafī' āvārā

ai ḳhizr-e-ḳhajista pe Tuk raah tū batlānā

har roz hamein ghar se sahra ko nikal jaana

kheton ka maza lena jangal ko nikal jaana

ji kyun na bhala un ki phir bhaun pe lage apna

ek wusat-e-mashrab ke hai sath ye virana

sath pe zamin ki hai ta-hadd-e-nazar sabza

kya sair ka aalam hai apna hai na begana

hum ishq-e-haqiqi ke ye rang samajhte hain

ne laila na majnun hai ne shama na parwana

jis husn ke jalwe hain aarif ki nigahon mein

wo husn banawe hai kabe ko sanam-KHana

diwana-e-shahri to diwar ka saya le

sae mein mughilan ke baiThega ye diwana

ghurbat ke bayaban mein hai 'mushafi' aawara

ai KHizr-e-KHajista pe Tuk rah tu batlana