har roz hi karte hain kaghaz pe ye fan zinda

har roz hī karte haiñ kāġhaz pe ye fan zinda

ham ahl-e-suḳhan haiñ ham rakhte haiñ suḳhan zinda

jo haar ga.e himmat raste meñ paḌe haiñ vo

pahuñche vo hī manzil par thī jin meñ lagan zinda

murda nahīñ kahte haiñ shaidā-e-mohabbat ko

zinda haiñ vo zinda haiñ vo zer-e-kafan zinda

ḳhushbū kī tavaqqo hai be-kār hī bāġhoñ se

bāġhoñ meñ nahīñ milte vo sarv saman zinda

ehsās-e-masarrat ko ham marne nahīñ dete

ummīd kī rakhtī hai ham ko to kiran zinda

sayyād batā kis par ab zulm tū Dhā.egā

chhoḌe hī kahāñ tū ne murġhān-e-chaman zinda

ye kis ne kahā apnī tārīḳh se ġhāfil haiñ

zehnoñ meñ hamāre hai rūdād-e-kuhan zinda

jo jaan luTāte haiñ sarhad kī hifāzat meñ

aise hī javānoñ se rahtā hai vatan zinda

daulat kā pujārī thā daulat ke liye dekho

sho.aloñ ke havāle kī zālim ne dulhan zinda

jab sair-e-bahārāñ ko aatā hai 'qamar' koī

ik niim tabassum se hotā hai chaman zinda

har roz hi karte hain kaghaz pe ye fan zinda

hum ahl-e-suKHan hain hum rakhte hain suKHan zinda

jo haar gae himmat raste mein paDe hain wo

pahunche wo hi manzil par thi jin mein lagan zinda

murda nahin kahte hain shaida-e-mohabbat ko

zinda hain wo zinda hain wo zer-e-kafan zinda

KHushbu ki tawaqqo hai be-kar hi baghon se

baghon mein nahin milte wo sarw saman zinda

ehsas-e-masarrat ko hum marne nahin dete

ummid ki rakhti hai hum ko to kiran zinda

sayyaad bata kis par ab zulm tu Dhaega

chhoDe hi kahan tu ne murghan-e-chaman zinda

ye kis ne kaha apni tariKH se ghafil hain

zehnon mein hamare hai rudad-e-kuhan zinda

jo jaan luTate hain sarhad ki hifazat mein

aise hi jawanon se rahta hai watan zinda

daulat ka pujari tha daulat ke liye dekho

shoalon ke hawale ki zalim ne dulhan zinda

jab sair-e-bahaaran ko aata hai 'qamar' koi

ek nim tabassum se hota hai chaman zinda