har roz rah takti hain mere singhaar ki

har roz raah taktī haiñ mere siñghār kī

ghar meñ khilī huī haiñ jo kaliyāñ anaar kī

kal un ke bhī ḳhayāl ko maiñ ne jhaTak diyā

had ho ga.ī hai mere bhī sabr-o-qarār kī

maazī pe guftugū se vo ghabrā rahe the aaj

maiñ ne bhī aaj baat vahī baar baar kī

ab pyaar kī adā pe bhī jhunjhlā rahe haiñ vo

kahte haiñ mujh ko fikr hai kuchh kārobār kī

aksar to log pahlī sadā par hī bik ga.e

bolī to go lagī thī baḌe e'tibār kī

zinda rahī to naam bhī lūñgī na pyaar kā

saugand hai mujhe mire parvardigār kī

sab kā ḳhayāl ghar kī sajāT kī mahfileñ

maiñ ne bhī ab ye aam ravish iḳhtiyār kī

har roz rah takti hain mere singhaar ki

ghar mein khili hui hain jo kaliyan anar ki

kal un ke bhi KHayal ko main ne jhaTak diya

had ho gai hai mere bhi sabr-o-qarar ki

mazi pe guftugu se wo ghabra rahe the aaj

main ne bhi aaj baat wahi bar bar ki

ab pyar ki ada pe bhi jhunjhla rahe hain wo

kahte hain mujh ko fikr hai kuchh karobar ki

aksar to log pahli sada par hi bik gae

boli to go lagi thi baDe e'tibar ki

zinda rahi to nam bhi lungi na pyar ka

saugand hai mujhe mere parwardigar ki

sab ka KHayal ghar ki sajaT ki mahfilen

main ne bhi ab ye aam rawish iKHtiyar ki