har samt KHud-numai ka manzar hai aaj-kal

har samt ḳhud-numā.ī kā manzar hai āj-kal

rahzan bhī apne aap meñ rahbar hai āj-kal

jhulsā diyā hai jaise zamāne kī dhuup ne

pyāsā hai jis kā naam samundar hai āj-kal

har shaḳhs chāhtā hai mile martaba mujhe

har ek andhī soch kā ḳhūgar hai āj-kal

ismat se khelnā yahāñ jis kā shi.ār hai

sab kī nigāh meñ vahī bartar hai āj-kal

zardār jitne shahr meñ the un ko ghar mile

ghar us ko mil na paayā jo be-ghar hai āj-kal

jo shaḳhs apne daur kā ā.īna-dār thā

afsos us ke haath meñ patthar hai āj-kal

lafzoñ meñ kis tarah ise 'rahbar' bayāñ karūñ

is dil ke aa.ine meñ jo manzar hai āj-kal

har samt KHud-numai ka manzar hai aaj-kal

rahzan bhi apne aap mein rahbar hai aaj-kal

jhulsa diya hai jaise zamane ki dhup ne

pyasa hai jis ka nam samundar hai aaj-kal

har shaKHs chahta hai mile martaba mujhe

har ek andhi soch ka KHugar hai aaj-kal

ismat se khelna yahan jis ka shiar hai

sab ki nigah mein wahi bartar hai aaj-kal

zardar jitne shahr mein the un ko ghar mile

ghar us ko mil na paya jo be-ghar hai aaj-kal

jo shaKHs apne daur ka aaina-dar tha

afsos us ke hath mein patthar hai aaj-kal

lafzon mein kis tarah ise 'rahbar' bayan karun

is dil ke aaine mein jo manzar hai aaj-kal