har samt rang-o-nur ka dariya dikhai de

har samt rañg-o-nūr kā dariyā dikhā.ī de

har mauj-e-rañg meñ tirā chehra dikhā.ī de

har aa.ine meñ terā sarāpā dikhā.ī de

koī to is jahān meñ apnā dikhā.ī de

tai kis tarah ho jāda-e-nairañg-e-ārzū

har gaam terā naqsh-e-kaf-e-pā dikhā.ī de

kirneñ gurez-pā haiñ to ḳhushbū bahāna-jū

ai kaash koī apnā shanāsā dikhā.ī de

ik dāman-e-nazar ki bachānā muhāl hai

ik sho.ala-e-badan ki lapaktā dikhā.ī de

duniyā-e-rañg-o-nūr bahut be-karāñ sahī

pesh-e-nazar jo tū hai to phir kyā dikhā.ī de

har samt rang-o-nur ka dariya dikhai de

har mauj-e-rang mein tera chehra dikhai de

har aaine mein tera sarapa dikhai de

koi to is jahan mein apna dikhai de

tai kis tarah ho jada-e-nairang-e-arzu

har gam tera naqsh-e-kaf-e-pa dikhai de

kirnen gurez-pa hain to KHushbu bahana-ju

ai kash koi apna shanasa dikhai de

ek daman-e-nazar ki bachana muhaal hai

ek shoala-e-badan ki lapakta dikhai de

duniya-e-rang-o-nur bahut be-karan sahi

pesh-e-nazar jo tu hai to phir kya dikhai de