har shaKHs gunah-gar hai malum nahin kyon

har shaḳhs gunah-gār hai mā'lūm nahīñ kyoñ

āñgan meñ bhī dīvār hai mā'lūm nahīñ kyoñ

jis par thā bharosa ki hifāzat vo karegā

fitrat se hī lāchār hai mā'lūm nahīñ kyoñ

us se to mujhe koī shikāyat hī nahīñ hai

mujh se hī vo bezār hai mā'lūm nahīñ kyoñ

karnī thī use sach kī himāyat hī magar vo

mujrim kā taraf-dār hai mā'lūm nahīñ kyoñ

baḳhshī hai zamīñ us ne hasīñ chāñd sitāre

mushkil meñ ye sansār hai mā'lūm nahīñ kyoñ

dil jis ko diyā ham ne thā hamrāz samajh kar

vo jaañ kā talabgār hai mā'lūm nahīñ kyoñ

har shaKHs gunah-gar hai ma'lum nahin kyon

aangan mein bhi diwar hai ma'lum nahin kyon

jis par tha bharosa ki hifazat wo karega

fitrat se hi lachaar hai ma'lum nahin kyon

us se to mujhe koi shikayat hi nahin hai

mujh se hi wo bezar hai ma'lum nahin kyon

karni thi use sach ki himayat hi magar wo

mujrim ka taraf-dar hai ma'lum nahin kyon

baKHshi hai zamin us ne hasin chand sitare

mushkil mein ye sansar hai ma'lum nahin kyon

dil jis ko diya hum ne tha hamraaz samajh kar

wo jaan ka talabgar hai ma'lum nahin kyon