har shaKHs wafa se haT chuka hai

har shaḳhs vafā se haT chukā hai

shīshoñ pe ġhubār aT chukā hai

dil-tā-ba-dimāġh phaT chukā hai

ye shahr kā shahr ulaT chukā hai

chehroñ pe damak kahāñ se aa.e

sūraj kā vaqār ghaT chukā hai

rishtoñ meñ ḳhulūs hī kahāñ thā

pahle bhī ye duudh phaT chukā hai

iz.hār-e-ḳhulūs karne vaalā

andar se bahut palaT chukā hai

itne bhī udaas kab the ham log

zāhir hai ki dil simaT chukā hai

tārīḳh-e-vafā meñ kyā milegā

āñkhoñ meñ jo vaqt kaT chukā hai

ab sāmne bhī vo aa.eñ to kyā

dil apnī taraf palaT chukā hai

dil hai ki usī kī nazr 'anjum'

jis dard kā bhaav ghaT chukā hai

har shaKHs wafa se haT chuka hai

shishon pe ghubar aT chuka hai

dil-ta-ba-dimagh phaT chuka hai

ye shahr ka shahr ulaT chuka hai

chehron pe damak kahan se aae

suraj ka waqar ghaT chuka hai

rishton mein KHulus hi kahan tha

pahle bhi ye dudh phaT chuka hai

izhaar-e-KHulus karne wala

andar se bahut palaT chuka hai

itne bhi udas kab the hum log

zahir hai ki dil simaT chuka hai

tariKH-e-wafa mein kya milega

aankhon mein jo waqt kaT chuka hai

ab samne bhi wo aaen to kya

dil apni taraf palaT chuka hai

dil hai ki usi ki nazr 'anjum'

jis dard ka bhaw ghaT chuka hai