har shakl rafta rafta anjaan ho gai hai

har shakl rafta rafta anjān ho ga.ī hai

mushkil thī jo bhī jis kī āsān ho ga.ī hai

kahnā na kuchh kisī se chup chup se takte rahnā

āḳhir yahī hamārī pahchān ho ga.ī hai

ik shaḳhs bholā-bhālā bastī kī pūchhtā hai

kaise kahūñ ki bastī vīrān ho ga.ī hai

jo thā rahā na kuchh bhī jo hai na jaane kyā hai

so ab yahāñ se ruḳhsat āsān ho ga.ī hai

pahle the ham hī hairāñ ham sā nahīñ hai koī

aur ab to saarī duniyā hairān ho ga.ī hai

aisī chahal-pahal thī mushkil se lauTte the

yādoñ kī vo galī ab sunsān ho ga.ī hai

bas 'talḳh' kī ravish thī ab tak baġhair unvāñ

ab is ravish kā duurī unvān ho ga.ī hai

har shakl rafta rafta anjaan ho gai hai

mushkil thi jo bhi jis ki aasan ho gai hai

kahna na kuchh kisi se chup chup se takte rahna

aaKHir yahi hamari pahchan ho gai hai

ek shaKHs bhola-bhaala basti ki puchhta hai

kaise kahun ki basti viran ho gai hai

jo tha raha na kuchh bhi jo hai na jaane kya hai

so ab yahan se ruKHsat aasan ho gai hai

pahle the hum hi hairan hum sa nahin hai koi

aur ab to sari duniya hairan ho gai hai

aisi chahal-pahal thi mushkil se lauTte the

yaadon ki wo gali ab sunsan ho gai hai

bas 'talKH' ki rawish thi ab tak baghair unwan

ab is rawish ka duri unwan ho gai hai