har shikan waqt ki peshani pe rakhi hui hai

har shikan vaqt kī peshānī pe rakhī huī hai

ham ne yuuñ zindagī āsānī pe rakhī huī hai

kuchh bhī kah lījiye buniyād hai āḳhir buniyād

kyā huā gar ye zamīñ paanī pe rakhī huī hai

guftugū kaise kareñ ahl-e-ḳhirad se ki vahāñ

apnī har baat hī nādānī pe rakhī huī hai

tum ne samjhā hai to bas itnā hameñ ki ham ne

zindagī yuuñ hī pareshānī pe rakhī huī hai

apnī pahchān to bas ye hai ki pahchān apnī

ham ne ajdād kī sultānī pe rakhī huī hai

haa.e ki jins-e-girāñ bhī hai lahū insāñ kā

aur yahī shai hai ki arzānī pe rakhī huī hai

ek muddat se hai dillī meñ obaidurrahman

ye nazar ab bhī ki hairānī pe rakhī huī hai

har shikan waqt ki peshani pe rakhi hui hai

hum ne yun zindagi aasani pe rakhi hui hai

kuchh bhi kah lijiye buniyaad hai aaKHir buniyaad

kya hua gar ye zamin pani pe rakhi hui hai

guftugu kaise karen ahl-e-KHirad se ki wahan

apni har baat hi nadani pe rakhi hui hai

tum ne samjha hai to bas itna hamein ki hum ne

zindagi yun hi pareshani pe rakhi hui hai

apni pahchan to bas ye hai ki pahchan apni

hum ne ajdad ki sultani pe rakhi hui hai

hae ki jins-e-giran bhi hai lahu insan ka

aur yahi shai hai ki arzani pe rakhi hui hai

ek muddat se hai dilli mein obaidurrahman

ye nazar ab bhi ki hairani pe rakhi hui hai