har shuur-o-fikr-e-na-dida pas-e-diwar-e-harf

har shu.ūr-o-fikr-e-nā-dīda pas-e-dīvār-e-harf

haiñ na.e mafhūm poshīda pas-e-dīvār-e-harf

haiñ ġhazal-sūrat bahut yuuñ to chamakte aa.ine

mā'navī paikar haiñ bosīda pas-e-dīvār-e-harf

jism ke zaḳhmoñ ko gar dilkash qabā se Dhak liyā

ruuh ke haiñ zaḳhm duzdīda pas-e-dīvār-e-harf

ḳhushk chaTTānoñ kī sūrat īstāda the jo log

aksar un meñ bhī the nam-dīda pas-e-dīvār-e-harf

haiñ farāz-e-harf par bhī us kī 'azmat ke nishāñ

satvat-e-ġhālib hai poshīda pas-e-dīvār-e-harf

faḳhr hai jin ko ḳhud apnī ḳhush-bayānī par 'zafar'

hai zabāñ un kī bhī laġhzīda pas-e-dīvār-e-harf

har shuur-o-fikr-e-na-dida pas-e-diwar-e-harf

hain nae mafhum poshida pas-e-diwar-e-harf

hain ghazal-surat bahut yun to chamakte aaine

ma'nawi paikar hain bosida pas-e-diwar-e-harf

jism ke zaKHmon ko gar dilkash qaba se Dhak liya

ruh ke hain zaKHm duzdida pas-e-diwar-e-harf

KHushk chaTTanon ki surat istada the jo log

aksar un mein bhi the nam-dida pas-e-diwar-e-harf

hain faraaz-e-harf par bhi us ki 'azmat ke nishan

satwat-e-ghaalib hai poshida pas-e-diwar-e-harf

faKHr hai jin ko KHud apni KHush-bayani par 'zafar'

hai zaban un ki bhi laghzida pas-e-diwar-e-harf