har sukut-e-bekaran izhaar se labrez hai

har sukūt-e-bekarāñ iz.hār se labrez hai

aa.ine kī ḳhāmushī dar-asl mā’nī-ḳhez hai

pīchhe muḌ kar dekhne kī aarzū mat kījiye

zindagī one way traffic hai bahāo tez hai

phir yahāñ maiñ der se pahuñchā huuñ aur phir sāmne

chand beva kursiyāñ haiñ ek ḳhālī mez hai

is qadar hairān kyoñ ho aaj mujh ko dekh kar

jis ne tum ko husn baḳhshā merā bhī rangrez hai

lafz kī ye saltanat ḳhālī nahīñ imkān se

shā'irī kā aa.ina kitnā tamaddun-ḳhez hai

sar uThāne par tire sad-haif hai 'tāhir' ki jab

hashr tak terā imām-e-‘ishq sajda-rez hai

har sukut-e-bekaran izhaar se labrez hai

aaine ki KHamushi dar-asl ma’ni-KHez hai

pichhe muD kar dekhne ki aarzu mat kijiye

zindagi one way traffic hai bahao tez hai

phir yahan main der se pahuncha hun aur phir samne

chand bewa kursiyan hain ek KHali mez hai

is qadar hairan kyon ho aaj mujh ko dekh kar

jis ne tum ko husn baKHsha mera bhi rangrez hai

lafz ki ye saltanat KHali nahin imkan se

sha'iri ka aaina kitna tamaddun-KHez hai

sar uThane par tere sad-haif hai 'tahir' ki jab

hashr tak tera imam-e-‘ishq sajda-rez hai