har tabassum ko chaman mein girya-saman dekh kar

har tabassum ko chaman meñ girya-sāmāñ dekh kar

jī laraz jaatā hai in ġhunchoñ ko ḳhandāñ dekh kar

āḳhir āḳhir hosh hī vahshat bhī thā hairat bhī thā

dil ko ālam-āfrīñ sahrā-bad-amāñ dekh kar

sheva apnā ġham-parastī qibla apnā ḳhāk-e-dil

rūh-e-ġham ko paikar-e-ḳhākī meñ insāñ dekh kar

har tasallī se sivā hotī ga.ī dil kī taḌap

dard kuchh se kuchh huā sāmān-e-darmāñ dekh kar

us ko in.ām-e-ḳhudī aur is par lutf-e-be-ḳhudī

vo karam karte haiñ zarf-e-ahl-e-irfāñ dekh kar

ma.ānī-e-sūrat meñ ham ne terī sūrat dekh lī

terī qudrat dekh lī insāñ ko insāñ dekh kar

qabr-e-'fānī' par maiñ vo barchīda-dāman ai nasīm

muntashir kar ḳhaak lekin un kā dāmāñ dekh kar

har tabassum ko chaman mein girya-saman dekh kar

ji laraz jata hai in ghunchon ko KHandan dekh kar

aaKHir aaKHir hosh hi wahshat bhi tha hairat bhi tha

dil ko aalam-afrin sahra-bad-aman dekh kar

shewa apna gham-parasti qibla apna KHak-e-dil

ruh-e-gham ko paikar-e-KHaki mein insan dekh kar

har tasalli se siwa hoti gai dil ki taDap

dard kuchh se kuchh hua saman-e-darman dekh kar

us ko inam-e-KHudi aur is par lutf-e-be-KHudi

wo karam karte hain zarf-e-ahl-e-irfan dekh kar

maani-e-surat mein hum ne teri surat dekh li

teri qudrat dekh li insan ko insan dekh kar

qabr-e-'fani' par main wo barchida-daman ai nasim

muntashir kar KHak lekin un ka daman dekh kar