har tabiat ko jahan pyar bhari KHu kahiye

har tabī.at ko jahāñ pyaar bharī ḳhū kahiye

kaun se phuul ko us baaġh kī ḳhushbū kahiye

duur tak bhī koī sahrā hai na gulshan na qayām

rahbar-e-shauq ko āgāh-e-man-o-tū kahiye

ham abhī dil meñ tujhe DhūñDne se qāsir haiñ

ye alag baat ki jalve tire har sū kahiye

aaj kī raat kisī baat kā shikva kyoñ ho

aap kahiye kabhī tum kahiye kabhī tū kahiye

ek mehrāb sī masjid kī nazar aatī hai

mauj-e-mai kahiye ki añgḌā.ī ki abrū kahiye

istifāda hai ye ash.ār nahīñ haiñ 'qaisar'

shāna-e-'mīr' pe bikhre hue gesū kahiye

har tabiat ko jahan pyar bhari KHu kahiye

kaun se phul ko us bagh ki KHushbu kahiye

dur tak bhi koi sahra hai na gulshan na qayam

rahbar-e-shauq ko aagah-e-man-o-tu kahiye

hum abhi dil mein tujhe DhunDne se qasir hain

ye alag baat ki jalwe tere har su kahiye

aaj ki raat kisi baat ka shikwa kyon ho

aap kahiye kabhi tum kahiye kabhi tu kahiye

ek mehrab si masjid ki nazar aati hai

mauj-e-mai kahiye ki angDai ki abru kahiye

istifada hai ye ashaar nahin hain 'qaisar'

shana-e-'mir' pe bikhre hue gesu kahiye