har tamasha chand lamhon mein purana ho gaya

har tamāshā chand lamhoñ meñ purānā ho gayā

rafta rafta band phir ik ik darīcha ho gayā

jaane kis jānib se sūraj kī kiran mujh par paḌī

merā saayā mere qāmat se bhī ūñchā ho gayā

āgahī aur āshiqī dīvāngī aur mai-kashī

tajraba bā.īs barsoñ meñ bahut sā ho gayā

ye sazā-e-shauq hai yā qīmat-e-ḳhud-āgahī

dil huā pur-nūr to be-nūr chehra ho gayā

sher kā fan bhī 'munavvar' apne kaam aayā nahīñ

ham hue fankār to ye fan hī rusvā ho gayā

har tamasha chand lamhon mein purana ho gaya

rafta rafta band phir ek ek daricha ho gaya

jaane kis jaanib se suraj ki kiran mujh par paDi

mera saya mere qamat se bhi uncha ho gaya

aagahi aur aashiqi diwangi aur mai-kashi

tajraba bais barson mein bahut sa ho gaya

ye saza-e-shauq hai ya qimat-e-KHud-agahi

dil hua pur-nur to be-nur chehra ho gaya

sher ka fan bhi 'munawwar' apne kaam aaya nahin

hum hue fankar to ye fan hi ruswa ho gaya