har tamashai faqat sahil se manzar dekhta

har tamāshā.ī faqat sāhil se manzar dekhtā

kaun dariyā ko ulaTtā kaun gauhar dekhtā

vo to duniyā ko mirī dīvāngī ḳhush aa ga.ī

tere hāthoñ meñ vagarna pahlā patthar dekhtā

aañkh meñ aañsū juḌe the par sadā tujh ko na dī

is tavaqqo.a par ki shāyad tū palaT kar dekhtā

merī qismat kī lakīreñ mere hāthoñ meñ na thiiñ

tere māthe par koī merā muqaddar dekhtā

zindagī phailī huī thī shām-e-hijrāñ kī tarah

kis ko itnā hausla thā kaun jī kar dekhtā

Dūbne vaalā thā aur sāhil pe chehroñ kā hujūm

pal kī mohlat thī maiñ kis ko aañkh bhar kar dekhtā

tū bhī dil ko ek ḳhuuñ kī buuñd samjhā hai 'farāz'

aañkh agar hotī to qatre meñ samundar dekhtā

har tamashai faqat sahil se manzar dekhta

kaun dariya ko ulaTta kaun gauhar dekhta

wo to duniya ko meri diwangi KHush aa gai

tere hathon mein wagarna pahla patthar dekhta

aankh mein aansu juDe the par sada tujh ko na di

is tawaqqoa par ki shayad tu palaT kar dekhta

meri qismat ki lakiren mere hathon mein na thin

tere mathe par koi mera muqaddar dekhta

zindagi phaili hui thi sham-e-hijran ki tarah

kis ko itna hausla tha kaun ji kar dekhta

Dubne wala tha aur sahil pe chehron ka hujum

pal ki mohlat thi main kis ko aankh bhar kar dekhta

tu bhi dil ko ek KHun ki bund samjha hai 'faraaz'

aankh agar hoti to qatre mein samundar dekhta