ہر طرف اک سکوت طاری ہے
ہر طرف اک سکوت طاری ہے
بے صدائی کا شور جاری ہے
دل پشیماں ہے ترک الفت پر
اب کے شاید خطا ہماری ہے
عاجزی نام ہے تشدد کا
کبر کا نام انکساری ہے
کوششیں کر رہا ہے بجھنے کی
آج کی شب دیے پہ بھاری ہے
اس سے پوچھو شکست کے معنی
جیت کر جس نے جنگ ہاری ہے
چاہتیں حسرتیں تمنائیں
زندگی کیا سیاہ کاری ہے
ایک لمحہ نہ جی سکے سالمؔ
یوں تو اک زندگی گزاری ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
