ہر طرف جب دھواں دھواں ہوگا
کیا خبر پھر کوئی کہاں ہوگا
گر نہیں یہ جہان سپنوں کا
کیا کوئی دوسرا جہاں ہوگا
کٹ گئے ہیں سفر میں کتنے برس
کیا کہیں اپنا بھی مکاں ہوگا
زندگی جب نہ ہوگی تب اے دوست
میں کہاں اور تو کہاں ہوگا
زندگی سے رہا جو بڑھ کے عزیز
غم وہ لفظوں میں کیا بیاں ہوگا
دشت ویرانی اور تنہائی
بسکہ اپنا یہی نشاں ہوگا
پوچھتے ہیں حسیں اسے شب و روز
راجؔ شاید ابھی جواں ہوگا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
