har taraf lau hai yahan purwaiyon mein chal kahin

har taraf lau hai yahāñ purvā.iyoñ meñ chal kahīñ

jal na jaa.e tere nāzuk jism kā sandal kahīñ

muntazir haiñ dhuup kā tohfa liye sab rāste

aao chal kar baiTh leñ saa.e meñ pal do pal kahīñ

giit kuchh maddham suroñ meñ gaa.eñ maujoñ se kaho

ho na jaa.eñ sub.h tak māñjhī ke baazū shal kahīñ

itne lambe haiñ samundar se yahāñ tak fāsle

aisā lagtā hai ki thak kar ruk ga.e bādal kahīñ

yuuñ nahīñ aate kabhī ye āñdhiyoñ ke qāfile

rah ga.ī hogī daraḳhtoñ meñ koī kopal kahīñ

aaj kī shab mujh ko sonā hai havāoñ se kaho

loriyāñ gaatī raheñ bajtā rahe pīpal kahīñ

dekhiye 'kāzim' zarā ye mausamoñ kī dhuup chhāñv

haiñ kahīñ pyāsī zamīneñ aur hai jal-thal kahīñ

har taraf lau hai yahan purwaiyon mein chal kahin

jal na jae tere nazuk jism ka sandal kahin

muntazir hain dhup ka tohfa liye sab raste

aao chal kar baiTh len sae mein pal do pal kahin

git kuchh maddham suron mein gaen maujon se kaho

ho na jaen subh tak manjhi ke bazu shal kahin

itne lambe hain samundar se yahan tak fasle

aisa lagta hai ki thak kar ruk gae baadal kahin

yun nahin aate kabhi ye aandhiyon ke qafile

rah gai hogi daraKHton mein koi kopal kahin

aaj ki shab mujh ko sona hai hawaon se kaho

loriyan gati rahen bajta rahe pipal kahin

dekhiye 'kazim' zara ye mausamon ki dhup chhanw

hain kahin pyasi zaminen aur hai jal-thal kahin