har taraf tazkira-e-jurm-o-saza hota hai
har taraf tazkira-e-jurm-o-sazā hotā hai
aaj ham samjhe ki banda bhī ḳhudā hotā hai
jaise rahte hoñ kisī shaḳhs kī jāgīr meñ ham
dil meñ rah rah ke ye ehsās sā kyā hotā hai
ham-nashīñ ġhaur na kar baat ko mahsūs to kar
is chhaTī his meñ koī ḳhatra chhupā hotā hai
apne ehsās meñ ai vā.iz-e-taslīm-o-razā
riñd paimāna-ba-kaf ho to ḳhudā hotā hai
kitnā pyārā hai vo 'nūrī' mirā vaqtī dushman
merī be-rāh-ravī par jo ḳhafā hotā hai
har taraf tazkira-e-jurm-o-saza hota hai
aaj hum samjhe ki banda bhi KHuda hota hai
jaise rahte hon kisi shaKHs ki jagir mein hum
dil mein rah rah ke ye ehsas sa kya hota hai
ham-nashin ghaur na kar baat ko mahsus to kar
is chhaTi his mein koi KHatra chhupa hota hai
apne ehsas mein ai waiz-e-taslim-o-raza
rind paimana-ba-kaf ho to KHuda hota hai
kitna pyara hai wo 'nuri' mera waqti dushman
meri be-rah-rawi par jo KHafa hota hai
- Book : Meri Gazal (Pg. 47)
- Author : karar Noori
- Publication : Rooh-e-Asar (Ishaat Ghar) (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
