ہر طرح کا دو جہاں میں ساز ہے سامان ہے

ہر طرح کا دو جہاں میں ساز ہے سامان ہے

لفظ کن سے ارتقا کا اور بھی امکان ہے

ذات کے عرفان سے حاصل رموز کائنات

ذات سے شاعر کے حاصل حسن کا وجدان ہے

اک تماشا ماہ و گل کا آسماں سے تا زمیں

آدمی صد رنگ جلوہ دیکھ کر حیران ہے

شرم سے رخسار گل کچھ اور گلگوں ہو گیا

اس اثر پر آئنے کی آنکھ بھی حیران ہے

آپ کی جمہوریت میں سب تو ہیں شاعر نہیں

شاعری ہر قوم کی تہذیب کی پہچان ہے

حسن کو دینا پیامیؔ شاعری کا پیرہن

فرش سے تا عرش موج رنگ کا طوفان ہے