haram ko dair KHuda ko sanam samajhte rahe
haram ko dair ḳhudā ko sanam samajhte rahe
magar ġhalat bhī nahīñ thā jo ham samajhte rahe
falak kī be-ḳhabarī aur be-niyāzī ko
jafā samajhte rahe ham sitam samajhte rahe
nashe meñ aadmī auqāt bhuul jaatā hai
ham apnā jaam koī jām-e-jam samajhte rahe
sharāb pyaas bujhātī nahīñ baḌhātī hai
bahut nasīb huī aur kam samajhte rahe
kiyā na is ke sivā kuchh 'sha'ūr' sāhab ne
na jaane 'ishq ko kyā mohtaram samajhte rahe
haram ko dair KHuda ko sanam samajhte rahe
magar ghalat bhi nahin tha jo hum samajhte rahe
falak ki be-KHabari aur be-niyazi ko
jafa samajhte rahe hum sitam samajhte rahe
nashe mein aadmi auqat bhul jata hai
hum apna jam koi jam-e-jam samajhte rahe
sharab pyas bujhati nahin baDhati hai
bahut nasib hui aur kam samajhte rahe
kiya na is ke siwa kuchh 'sha'ur' sahab ne
na jaane 'ishq ko kya mohtaram samajhte rahe
- Book : Ab Main Aksar Main Nahi Rehta (Pg. 115)
- Author : Anwar Shaoor
- Publication : Rekhta Publications (2024)
- Edition : 3rd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
