hare daraKHt ka shaKHon se rishta TuT gaya
hare daraḳht kā shāḳhoñ se rishta TuuT gayā
huā chalī to gulāboñ se rishta TuuT gayā
kahāñ haiñ ab vo mahakte hue hasīñ manzar
khulī jo aañkh to ḳhvāboñ se rishta TuuT gayā
zarā sī der meñ bīmār-e-ġham huā ruḳhsat
palak jhapakte hī logoñ se rishta TuuT gayā
gulāb titlī dhanak raushnī karan jugnū
har ek shai kā nigāhoñ se rishta TuuT gayā
uThī jo sahn meñ dīvār iḳhtilāf baḌhe
zamīñ ke vāste apnoñ se rishta TuuT gayā
kitāb-e-zīst kā har safha saada hai 'nayyar'
qalam kī nok kā lafzoñ se rishta TuuT gayā
hare daraKHt ka shaKHon se rishta TuT gaya
hua chali to gulabon se rishta TuT gaya
kahan hain ab wo mahakte hue hasin manzar
khuli jo aankh to KHwabon se rishta TuT gaya
zara si der mein bimar-e-gham hua ruKHsat
palak jhapakte hi logon se rishta TuT gaya
gulab titli dhanak raushni karan jugnu
har ek shai ka nigahon se rishta TuT gaya
uThi jo sahn mein diwar iKHtilaf baDhe
zamin ke waste apnon se rishta TuT gaya
kitab-e-zist ka har safha sada hai 'nayyar'
qalam ki nok ka lafzon se rishta TuT gaya
- Book : Saye Babool Ke (Pg. 45)
- Author : Azhar Naiyyar
- Publication : Educational Publishing House (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
