harf-e-ehsas ki tashkil kahan mumkin hai

harf-e-ehsās kī tashkīl kahāñ mumkin hai

mire jazbāt kī tarsīl kahāñ mumkin hai

pahle ik arz-e-tamannā ye bichhe jaate haiñ

ab mire hukm kī ta.amīl kahāñ mumkin hai

tire hote hue mahfil meñ charāġhāñ kyoñ kar

mahr-e-tābāñ ko ye qindīl kahāñ mumkin hai

yād-e-rafta kā ḳhazāna mujhe bhārī hai bahut

hāfize kī na.ī zambīl kahāñ mumkin hai

shāz-o-nādir hī tamannā.eñ javāñ hotī haiñ

har ghaḌī nafs kī tahlīl kahāñ mumkin hai

sochtī rahtī haiñ shab bhar vo sitāra āñkheñ

ḳhvāb-e-girya kī vo takmīl kahāñ mumkin hai

harf-e-ehsas ki tashkil kahan mumkin hai

mere jazbaat ki tarsil kahan mumkin hai

pahle ek arz-e-tamanna ye bichhe jate hain

ab mere hukm ki tamil kahan mumkin hai

tere hote hue mahfil mein charaghan kyon kar

mahr-e-taban ko ye qindil kahan mumkin hai

yaad-e-rafta ka KHazana mujhe bhaari hai bahut

hafize ki nai zambil kahan mumkin hai

shaz-o-nadir hi tamannaen jawan hoti hain

har ghaDi nafs ki tahlil kahan mumkin hai

sochti rahti hain shab bhar wo sitara aankhen

KHwab-e-girya ki wo takmil kahan mumkin hai