harf-ta-harf uftad ki shairi

harf-tā-harf uftād kī shā.irī

dil kī ik shahr-e-barbād kī shā.irī

kab samundar kināroñ kā muhtāj hai

kab dil mauj-e-āzād kī shā.irī

bāñsurī kī madhur lai se bāhar nikal

sun zarā rūh-e-nāshād kī shā.irī

tark hotī nahīñ aisī kuchh ādateñ

fikr dād-e-havas daad kī shā.irī

tauba tauba ki rakkhī hai fōtpath par

'mīr' sāhab se ustād kī shā.irī

karte karte sipurd-e-qalam kar ga.ī

mujh pe jaadū parī-zād kī shā.irī

chashm-e-bārāñ kā dukh bāñTanā farz hai

kuchh kareñ abr kī baad kī shā.irī

rabt ke daur meñ ḳhuub likhte the ham

be-sabab be-maza baad kī shā.irī

raat palkoñ meñ 'raḳhshanda' kāTeñge ham

tā-sahar hogī ab yaad kī shā.irī

harf-ta-harf uftad ki shairi

dil ki ek shahr-e-barbaad ki shairi

kab samundar kinaron ka muhtaj hai

kab dil mauj-e-azad ki shairi

bansuri ki madhur lai se bahar nikal

sun zara ruh-e-nashad ki shairi

tark hoti nahin aisi kuchh aadaten

fikr dad-e-hawas dad ki shairi

tauba tauba ki rakkhi hai footpath par

'mir' sahab se ustad ki shairi

karte karte sipurd-e-qalam kar gai

mujh pe jadu pari-zad ki shairi

chashm-e-baran ka dukh banTana farz hai

kuchh karen abr ki baad ki shairi

rabt ke daur mein KHub likhte the hum

be-sabab be-maza baad ki shairi

raat palkon mein 'raKHshanda' kaTenge hum

ta-sahar hogi ab yaad ki shairi