hasin KHwab dikhaya dikha ke chhoD diya

hasīn ḳhvāb dikhāyā dikhā ke chhoḌ diyā

kisī ne apnā banāyā banā ke chhoḌ diyā

jo us kī yādoñ kā dīpak kabhī huā raushan

to āñsuoñ se bujhāyā bujhā ke chhoḌ diyā

kiyā na us ne mire dard ko kabhī mahsūs

hamesha dil ko dukhāyā dukhā ke chhoḌ diyā

batātā kaise maiñ hassās ke ma'ānī use

so aa.ine ko uThāyā uThā ke chhoḌ diyā

maiñ hausla na juTā paayā us ko chhūne kā

naqāb ruḳh se haTāyā haTā ke chhoḌ diyā

kahīñ na us kī burā.ī meñ ham hue shāmil

nazar se jis ko girāyā girā ke chhoḌ diyā

bahut salīqe se us ne kiyā nazar-andāz

qarīb apne biThāyā biThā ke chhoḌ diyā

na un se rakkhī kabhī raushnī kī ummīdeñ

diyoñ ko ham ne jalāyā jalā ke chhoḌ diyā

hasin KHwab dikhaya dikha ke chhoD diya

kisi ne apna banaya bana ke chhoD diya

jo us ki yaadon ka dipak kabhi hua raushan

to aansuon se bujhaya bujha ke chhoD diya

kiya na us ne mere dard ko kabhi mahsus

hamesha dil ko dukhaya dukha ke chhoD diya

batata kaise main hassas ke ma'ani use

so aaine ko uThaya uTha ke chhoD diya

main hausla na juTa paya us ko chhune ka

naqab ruKH se haTaya haTa ke chhoD diya

kahin na us ki burai mein hum hue shamil

nazar se jis ko giraya gira ke chhoD diya

bahut saliqe se us ne kiya nazar-andaz

qarib apne biThaya biTha ke chhoD diya

na un se rakkhi kabhi raushni ki ummiden

diyon ko hum ne jalaya jala ke chhoD diya