hasin raaten udhaar le kar jamil manzar ke KHwab dekhe

hasīn rāteñ udhār le kar jamīl manzar ke ḳhvāb dekhe

za.iif sūrat purāne naukar ne apne afsar ke ḳhvāb dekhe

murabba’oñ meñ makāñ banāyā to vahshatoñ ne karā.e acre

kanāl marloñ meñ aise simTe ki inchoñ meñ ghar ke ḳhvāb dekhe

tumhārī duniyā meñ zindagī kī har ik zarūrat hī bik rahī hai

dukāñ se paanī ḳharīd laa.e to hauz-e-kausar ke ḳhvāb dekhe

jo ḳhuuñ pasīna bahā ke apnā kaḌakte noToñ kī ḳhushbū sūñghe

use to fursat nahīñ hai sāhib ki mushk-o-ambar ke ḳhvāb dekhe

tamām duniyā ke bāsiyoñ ke dimāġh zanjīroñ meñ jakaḌ ke

pukāre aaqā ki ek mālik ko haq hai naukar ke ḳhvāb dekhe

vo jab bhī chāhe ki apnī marzī se saarī duniyā ke rang badle

badal ke chashma lagā ke dekhe jahān-e-dīgar ke ḳhvāb dekhe

hasin raaten udhaar le kar jamil manzar ke KHwab dekhe

zaif surat purane naukar ne apne afsar ke KHwab dekhe

murabba’on mein makan banaya to wahshaton ne karae acre

kanal marlon mein aise simTe ki inchon mein ghar ke KHwab dekhe

tumhaari duniya mein zindagi ki har ek zarurat hi bik rahi hai

dukan se pani KHarid lae to hauz-e-kausar ke KHwab dekhe

jo KHun pasina baha ke apna kaDakte noTon ki KHushbu sunghe

use to fursat nahin hai sahib ki mushk-o-ambar ke KHwab dekhe

tamam duniya ke basiyon ke dimagh zanjiron mein jakaD ke

pukare aaqa ki ek malik ko haq hai naukar ke KHwab dekhe

wo jab bhi chahe ki apni marzi se sari duniya ke rang badle

badal ke chashma laga ke dekhe jahan-e-digar ke KHwab dekhe