hasin saman na hasin kaenat hai shayad

hasīñ samāñ na hasīñ kā.enāt hai shāyad

kisī kā husn hī jān-e-hayāt hai shāyad

ġham-e-hayāt se hai zindagī meñ gīrā.ī

ġham-e-hayāt hī jān-e-hayāt hai shāyad

bahut qarīb se dekhī thī zindagī kī bahār

mire ḳhayāl se ye gul kī baat hai shāyad

vo ek lamha masarrat se jo guzar jaa.e

usī kā naam matā-e-hayāt hai shāyad

qadam qadam pe haqīqat qadam qadam pe majāz

usī tilism meñ kul kā.enāt hai shāyad

hazār but-shikan aa.e magar na toḌ sake

ġhurūr sab se baḌā somnāt hai shāyad

hai jāñ-gudāz bahut andalīb kā naġhma

kuchh is meñ dil kī mire vārdāt hai shāyad

udaas udaas haiñ shām-o-sahar ke nazzāre

bujhā bujhā sā sharār-e-hayāt hai shāyad

kise ḳhabar jo banī apnī jaan par 'tālib'

shikast-e-ishq shikast-e-hayāt hai shāyad

hasin saman na hasin kaenat hai shayad

kisi ka husn hi jaan-e-hayat hai shayad

gham-e-hayat se hai zindagi mein girai

gham-e-hayat hi jaan-e-hayat hai shayad

bahut qarib se dekhi thi zindagi ki bahaar

mere KHayal se ye gul ki baat hai shayad

wo ek lamha masarrat se jo guzar jae

usi ka nam mata-e-hayat hai shayad

qadam qadam pe haqiqat qadam qadam pe majaz

usi tilism mein kul kaenat hai shayad

hazar but-shikan aae magar na toD sake

ghurur sab se baDa somnat hai shayad

hai jaan-gudaz bahut andalib ka naghma

kuchh is mein dil ki mere wardat hai shayad

udas udas hain sham-o-sahar ke nazzare

bujha bujha sa sharar-e-hayat hai shayad

kise KHabar jo bani apni jaan par 'talib'

shikast-e-ishq shikast-e-hayat hai shayad