hasin wo chehra hai mahtab ka jawab koi

hasīñ vo chehra hai mahtāb kā javāb koī

ki mere aage hai ik nuur kī kitāb koī

tamām umr use hājat-e-surūr nahīñ

tumhārī aañkh se pī le agar sharāb koī

vajūd paatā huuñ ḳhushbū kā aaj apne gird

khilā hai un kī navāzish kā phir gulāb koī

na le sakā koī jab chuTkiyoñ meñ zarroñ ko

chalā hai aaj pakaḌne ko āftāb koī

hai mere vāste maazī kī yaad sarmāya

ye aur baat hai jaane ise azaab koī

ayaañ ḳhudā pe hī 'shāġhil' haiñ apne aib-o-hunar

sivā ḳhudā ke na le ham se ab hisāb koī

hasin wo chehra hai mahtab ka jawab koi

ki mere aage hai ek nur ki kitab koi

tamam umr use hajat-e-surur nahin

tumhaari aankh se pi le agar sharab koi

wajud pata hun KHushbu ka aaj apne gird

khila hai un ki nawazish ka phir gulab koi

na le saka koi jab chuTkiyon mein zarron ko

chala hai aaj pakaDne ko aaftab koi

hai mere waste mazi ki yaad sarmaya

ye aur baat hai jaane ise azab koi

ayan KHuda pe hi 'shaghil' hain apne aib-o-hunar

siwa KHuda ke na le hum se ab hisab koi