hasin yaaden sunahre KHwab pichhe chhoD aae hain

hasīñ yādeñ sunahre ḳhvāb pīchhe chhoḌ aa.e haiñ

muhājir kī kahānī meñ hazāroñ moḌ aa.e haiñ

na khul paayā kabhī bāb-e-mohabbat kam-nasīboñ par

fasīl-e-shahr-e-jānāñ se ka.ī sar phoḌ aa.e haiñ

bashar kī be-sabātī bhī kisī se hal na ho paa.ī

zamīñ se chāñd tāroñ tak sabhī sar joḌ aa.e haiñ

mile roTī ke TukḌe kuchh magar tum ye bhī socho kab

shikam kī aag meñ ham ahd-o-paimāñ toḌ aa.e haiñ

pilā de apne hāthoñ se zarā ik jaam ai saaqī

tire mai-kash dar-o-dīvār-o-dirham chhoḌ aa.e haiñ

hasin yaaden sunahre KHwab pichhe chhoD aae hain

muhajir ki kahani mein hazaron moD aae hain

na khul paya kabhi bab-e-mohabbat kam-nasibon par

fasil-e-shahr-e-jaanan se kai sar phoD aae hain

bashar ki be-sabaati bhi kisi se hal na ho pai

zamin se chand taron tak sabhi sar joD aae hain

mile roTi ke TukDe kuchh magar tum ye bhi socho kab

shikam ki aag mein hum ahd-o-paiman toD aae hain

pila de apne hathon se zara ek jam ai saqi

tere mai-kash dar-o-diwar-o-dirham chhoD aae hain