hasrat-e-sikka-e-baKHil na kar
hasrat-e-sikka-e-baḳhīl na kar
apne kashkol ko zalīl na kar
kuchh na boleñge mudda.ī ke ḳhilāf
dostoñ ko kabhī vakīl na kar
bahs jaarī rahe to behtar hai
mere da.ave ko be-dalīl na kar
maiñ farāsat-gazīdgī kā shikār
mujh ko farzāna-o-aqīl na kar
haath ūñchā rahe kushāda rahe
jeb ko kīsa-e-baḳhīl na kar
koī had hai tirī zarūrat kī
zindagī yuuñ mujhe zalīl na kar
'ramz' qaid-e-hayāt jhel abhī
itnī ujlat mire ḳhalīl na kar
hasrat-e-sikka-e-baKHil na kar
apne kashkol ko zalil na kar
kuchh na bolenge muddai ke KHilaf
doston ko kabhi wakil na kar
bahs jari rahe to behtar hai
mere dawe ko be-dalil na kar
main farasat-gazidgi ka shikar
mujh ko farzana-o-aqil na kar
hath uncha rahe kushada rahe
jeb ko kisa-e-baKHil na kar
koi had hai teri zarurat ki
zindagi yun mujhe zalil na kar
'ramz' qaid-e-hayat jhel abhi
itni ujlat mere KHalil na kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
