hasrat se qamar takta tha KHurshid-e-mubin tha

hasrat se qamar taktā thā ḳhurshīd-e-mubīñ thā

ik shaḳhs yahāñ itnā hasīñ itnā hasīñ thā

jo shaḳhs mire haath meñ thā saat baras tak

afsos vo hāthoñ kī lakīroñ meñ nahīñ thā

aahā vo mirā sho'la-badan us kī vo bāñheñ

uf merā muqaddar ki maiñ ik vaqt kahīñ thā

ik ḳhushbū ne mausam ne havā ne mujhe bolā

tū aatā zarā pahle ki vo shaḳhs yahīñ thā

ik rang kā mausam hī rahā kartā thā 'sābir'

jab āsmāñ thā us kā maiñ vo merī zamīñ thā

hasrat se qamar takta tha KHurshid-e-mubin tha

ek shaKHs yahan itna hasin itna hasin tha

jo shaKHs mere hath mein tha sat baras tak

afsos wo hathon ki lakiron mein nahin tha

aaha wo mera sho'la-badan us ki wo banhen

uf mera muqaddar ki main ek waqt kahin tha

ek KHushbu ne mausam ne hawa ne mujhe bola

tu aata zara pahle ki wo shaKHs yahin tha

ek rang ka mausam hi raha karta tha 'sabir'

jab aasman tha us ka main wo meri zamin tha