haTao aaina ummid-war hum bhi hain

Ameer Minai

haTao aaina ummid-war hum bhi hain

Ameer Minai

MORE BYAmeer Minai

    haTāo aa.ina ummīd-vār ham bhī haiñ

    tumhāre dekhne vāloñ meñ yaar ham bhī haiñ

    taḌap ke ruuh ye kahtī hai hijr-e-jānāñ meñ

    ki tere saath dil-e-be-qarār ham bhī haiñ

    rahe dimāġh agar āsmāñ pe duur nahīñ

    ki tere kūche meñ mast-e-ġhubār ham bhī haiñ

    kaho ki naḳhl-e-chaman ham se sar-kashī na kareñ

    unhīñ tarah se bāġh-o-bahār ham bhī haiñ

    hamāre aage zarā ho samajh ke zamzama-sanj

    ki ek naġhma-sarā ai hazār ham bhī haiñ

    kahāñ tak aa.ine meñ dekh-bhāl idhar dekho

    ki ik nigāh ke ummīd-vār ham bhī haiñ

    sharāb muñh se lagāte nahīñ haiñ ai zāhid

    firāq-e-yār meñ parhez-gār ham bhī haiñ

    hamārā naam bhī likh lo jo hai qalam jaarī

    qadīm aap ke ḳhidmat-guzār ham bhī haiñ

    humā haiñ gird mirī haDDiyoñ ke aaTh pahr

    sag aa ke kahte haiñ ummīd-vār ham bhī haiñ

    jo laḌkhaḌā ke gire qadam pe saaqī ke

    'amīr' mast nahīñ hoshyār ham bhī haiñ

    haTao aaina ummid-war hum bhi hain

    tumhaare dekhne walon mein yar hum bhi hain

    taDap ke ruh ye kahti hai hijr-e-jaanan mein

    ki tere sath dil-e-be-qarar hum bhi hain

    rahe dimagh agar aasman pe dur nahin

    ki tere kuche mein mast-e-ghubar hum bhi hain

    kaho ki naKHl-e-chaman hum se sar-kashi na karen

    unhin ki tarah se bagh-o-bahaar hum bhi hain

    hamare aage zara ho samajh ke zamzama-sanj

    ki ek naghma-sara ai hazar hum bhi hain

    kahan tak aaine mein dekh-bhaal idhar dekho

    ki ek nigah ke ummid-war hum bhi hain

    sharab munh se lagate nahin hain ai zahid

    firaq-e-yar mein parhez-gar hum bhi hain

    hamara nam bhi likh lo jo hai qalam jari

    qadim aap ke KHidmat-guzar hum bhi hain

    huma hain gird meri haDDiyon ke aaTh pahr

    sag aa ke kahte hain ummid-war hum bhi hain

    jo laDkhaDa ke gire tu qadam pe saqi ke

    'amir' mast nahin hoshyar hum bhi hain

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY