kucha mein jo us shoKH-hasin ke na rahenge

kūcha meñ jo us shoḳh-hasīñ ke na raheñge

to dair-o-haram kyā hai kahīñ ke na raheñge

nazdīk kabhī ḳhuld-e-barīñ ke na raheñge

ham-sāya bhī ab ham to hasīñ ke na raheñge

maiñ said huuñ vahshī mujhe fitrākī kahalvā

do taar bhī ab dāman-e-zehn ke na raheñge

par vaa.e vasīla ho sulaimāñ ko mubārak

ham naam ko muhtāj nagīñ ke na raheñge

mar jā.eñge iz.hār-e-tamannā hī se pahle

sunñe ko tire muñh se nahīñ ke na raheñge

mirzā munshī apnī gorā na kareñge

sunñe ko qisas-e-chīn-e-jabīñ ke na raheñge

sun leñge jo mujh ġham-zada ke nāla-e-mauzūñ

mushtāq vo dīvān-e-hazīñ ke na raheñge

darvāza kā parda to rahe kaan kā parda

ham rū-ba-rū us parda-nashīñ ke na raheñge

allāh ne chāhā to ham ai barhamn-e-dair

mushtāq kisī lobat-e-chīñ ke na raheñge

ruḳhsār se tashbīh tirī deñge ham ai jaan

jab daaġh ruḳh-e-māh-e-mubīñ ke na raheñge

oḌhte hue ye tā.ir-e-rañg apnā jo dekhā

to hosh bajā rūh-e-amīñ ke na raheñge

kis dard kī āvāz se chillā.ī hai bulbul

ham paas to us murġh-e-hazīñ ke na raheñge

dekheñge jo us but ko to vallāh yaqīñ hai

īmān bajā ahl-e-yaqīñ ke na raheñge

pāband rahe kaun yahāñ naam kī ḳhātir

halqa meñ kabhī misl nagīñ ke na raheñge

ham DhūñDte phirte haiñ tujhe dair-o-haram meñ

gar hai ye tamannā to kahīñ ke na raheñge

pāband hue shakl-e-asīr ab to yahāñ 'mehr'

aisā hī jo dil hai to kahīñ ke na raheñge

kucha mein jo us shoKH-hasin ke na rahenge

to dair-o-haram kya hai kahin ke na rahenge

nazdik kabhi KHuld-e-barin ke na rahenge

ham-saya bhi ab hum to hasin ke na rahenge

main said hun wahshi mujhe fitraki kahalwa

do tar bhi ab daman-e-zehn ke na rahenge

par wae wasila ho sulaiman ko mubarak

hum nam ko muhtaj nagin ke na rahenge

mar jaenge izhaar-e-tamanna hi se pahle

sunne ko tere munh se nahin ke na rahenge

mirza munshi apni gora na karenge

sunne ko qisas-e-chin-e-jabin ke na rahenge

sun lenge jo mujh gham-zada ke nala-e-mauzun

mushtaq wo diwan-e-hazin ke na rahenge

darwaza ka parda to rahe kan ka parda

hum ru-ba-ru us parda-nashin ke na rahenge

allah ne chaha to hum ai barhamn-e-dair

mushtaq kisi lobat-e-chin ke na rahenge

ruKHsar se tashbih teri denge hum ai jaan

jab dagh ruKH-e-mah-e-mubin ke na rahenge

oDhte hue ye tair-e-rang apna jo dekha

to hosh baja ruh-e-amin ke na rahenge

kis dard ki aawaz se chillai hai bulbul

hum pas to us murgh-e-hazin ke na rahenge

dekhenge jo us but ko to wallah yaqin hai

iman baja ahl-e-yaqin ke na rahenge

paband rahe kaun yahan nam ki KHatir

halqa mein kabhi misl nagin ke na rahenge

hum DhunDte phirte hain tujhe dair-o-haram mein

gar hai ye tamanna to kahin ke na rahenge

paband hue shakl-e-asir ab to yahan 'mehr'

aisa hi jo dil hai to kahin ke na rahenge