hausla dil ka hawadis mein baDha rakkha hai

hausla dil kā havādis meñ baḌhā rakkhā hai

sham.a ko maiñ ne havāoñ meñ jalā rakkhā hai

dekh ai husn-e-ḳhud-ārā mire dil kī vus.at

tere ġham ko ġham-e-daurāñ se judā rakkhā hai

maiñ talātum meñ bhī sāhil kī ḳhabar rakhtā huuñ

maiñ ne har mauj ko sāhil se milā rakkhā hai

ik tire naam se rishta ho bas itnī sī hai baat

varna is sub.ha-o-zunnār meñ kyā rakkhā hai

ab maiñ ik jalva-e-be-rañg kā shaidā.ī huuñ

har charāġh-e-haram-o-dair bujhā rakkhā hai

sarguzisht-e-dil-e-betāb sunā dī lekin

ġham-gusāroñ se tirā naam chhupā rakkhā hai

hausla dil ka hawadis mein baDha rakkha hai

shama ko main ne hawaon mein jala rakkha hai

dekh ai husn-e-KHud-ara mere dil ki wusat

tere gham ko gham-e-dauran se juda rakkha hai

main talatum mein bhi sahil ki KHabar rakhta hun

main ne har mauj ko sahil se mila rakkha hai

ek tere nam se rishta ho bas itni si hai baat

warna is subha-o-zunnar mein kya rakkha hai

ab main ek jalwa-e-be-rang ka shaidai hun

har charagh-e-haram-o-dair bujha rakkha hai

sarguzisht-e-dil-e-betab suna di lekin

gham-gusaron se tera nam chhupa rakkha hai