حوصلے جن کے بھی بلند نہیں
میری نظروں میں ارجمند نہیں
جب سے دیکھا ہے ان کو روتے ہوئے
تب سے بارش مجھے پسند نہیں
جتنا ہم آپ کو سمجھتے تھے
آپ اتنے تو عقل مند نہیں
حال دل آپ کو سناتے مگر
ہم ابھی اتنے ہوش مند نہیں
میں ستاروں کو فتح کر لوں مگر
میری زنبیل میں کمند نہیں
یار یہ اپنی خوش نصیبی ہے
در توبہ کھلا ہے بند نہیں
درد میرا سمجھ سکے جو اثرؔ
اب کوئی ایسا درد مند نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
