ہوا بھی نم سی ہے بادل بھی زار زار سا ہے

ہوا بھی نم سی ہے بادل بھی زار زار سا ہے

تمہاری یاد میں موسم بھی اشک بار سا ہے

جبیں کو چھو کہ میسر ہو لمس کی ٹھنڈک

مرے مسیحا مجھے رات سے بخار سا ہے

ہیں میری آنکھوں میں برسات دل میں زخم کے پھول

مزاج اب کے خزاں کا بھی کچھ بہار سا ہے

لو اب تو کر لو مرا قیس و کوہکن میں شمار

بدن بھی چاک ہے دامن بھی تار تار سا ہے

نہ اس کا شیوہ نہ عادت نہ اس کی طرز نہ طور

پر اس کے وعدے پہ اب بھی کچھ اعتبار سا ہے